VHF Nets operated from Chennai

I am listing below the VHF radio nets operated from Chennai in Chronological Order:

  1. Morning Net
    • Daily 07:00 to 07:15 IST (01:30 to 01:45 UTC)
    • 145.775 MHz via repeater with negative shift of 600 KHz
    • EchoLink node name is VU3MOA-L
  2. Goodnight Net
    • Daily 21:00 to 21:15 IST ( 15:30 to 15:45 UTC)
    • 145.775 MHz via repeater with negative shift of 600 KHz
    • EchoLink node name is VU3MOA-L
  3. Mahameet Net
    • Daily 21:15 to 21:45 IST (15:45 to 16:15 UTC)
    • 145.550 MHz via repeater with negative shift of 600 KHz
    • EchoLink node name is VU2LHS-R

During times of good propagation conditions, these nets had been checked-in by stations even outside Chennai. EchoLink is also a popular special propagation mode to check in to these nets

Advertisements

Mahameet Eyeball Meet 2019

The next edition of Mahameet Eyeball Meet is slated to be held on Feb 9, 2019. Online registrations have been introduced this time and you can register yourself by visiting  http://www.vandunet,com. As usual there is no registration fees or delegate fees. SWLs and those who are interested in Ham radio are also welcome. Those who would like to sell their equipment and those who would like to put up stalls can answer affirmative to the relevant questions in the registration form.

List of delegates who have registered for stalls:

LC Meter in the shack

Almost every amateur radio ham that I have come across, knows what an LC meter is and how to use it. Then why this post? A homebrew workshop has been planned by the Madras Amateur Radio Society (MARS) in Chennai (where I live) and I thought that those who are new to this fascinating hobby could benefit from this workshop, if they knew what they could do with an LC meter in their shack.

To measure the inductance of a coil:

Yes, of course you already knew that! So, what I would like to point out is that, with the ability to measure your handiwork, you could make your own coils  with the material that is available with you at hand, instead of searching for items with exact specifications given in manuals and magazines. This could be for your antenna matches, filters , loading coils and such items that make use of a coil.

Many of us get our construction ideas from articles appearing in magazines, or from the world wide web. The author of such articles usually give the exact details of his construction so that anyone wishing to replicate his design can do so successfully. The details may include the diameter of the coil-former used – given in inches or mm, the gauge of the wire – given in AWG,  SWG or simply numbered sizes, the number of turns, the number of turns where the tapping should be, the inductance of the windings & tapping and sometimes the length over which the windings should be spread out. Out of these, the most important could be the inductance value given for that coil. All the other parameters could alter the value of the coil and only the inductance value matters the most to us.

IMG_20180425_212105.jpg
Measuring my 9:1 trifilar wound UNUN for END-Fed 6m to 40m  multi-band HF antenna

In this scenario, you might want to use the material already available in your junk box instead of going to shop for the components with the exact specifications. You may have a nice and tough teflon pipe from you discarded water filter element but with a diameter that is different from what is given in the article. You may have some wire lying around that you would like to use but cannot map the sizes given in terms of AWG (American Wire Gauge) to what you have at hand.

Here is where the LC meter comes to our help. You can build your coil by simply winding the number of turns given in the article, measure the inductance of the windings and tapping with the LC meter, add or remove turns as required, measure again and you are ready to go in a few iterations!

To measure the capacitance of a capacitor:

Again, you already know the obvious! Then what am I pointing out is that you could measure the unknown capacitance value of a capacitor. This not only means measuring unmarked and old capacitors with faded markings but also the capacitance value of variable capacitors in certain matching positions. I shall elaborate. Suppose you are building an outdoor antenna match for your end-fed antenna. Having wound your 9:1 matching transformer, you would like to install a fixed capacitor for matching your favourite band. Using a variable capacitor, you could tune the antenna for maximum noise in your Rx in the desired frequency and measure the capacitance of the variable capacitor in that position. Now, with knowledge of the value of capacitance that is required to tune the match to your desired frequency, you can delve into your junk box to find a suitable capacitor (or capacitors in parallel or series) for your outdoor matchbox.

An useful instrument:

The above scenarios are only an indication to the probable uses that an amateur radio ham may find for the LC meter. I have an LC meter in my shack which was home-brewed by VU2PTR, Thyagu. It is doing excellent duty in my shack and I find that it is an useful piece of measuring instrument in my shack. 73.

Adding a PTT to BitX40 verion-1

The BitX40 version-1 (or Beta), came with a toggle switch to change between Rx and Tx modes. I wanted to replace this with a PTT switch. After spending an evening figuring out how to go about it, I did the changes in another evening. A few cuts to the PCB track, a few wire connections and an old limit switch from my junk box (came from RO water filter) did the job.

Now I’ll let you know what I observed and what I did. There are two relays on the PCB. The one that is further away from the antenna connector is our interest. You can notice that one set of contacts are free of any track connections and the relay coil is connected between the Tx +ve and ground.

I cut the track from one end of the relay coil which was connected to Tx +ve and connected that end of the coil to common +ve instead of Tx +ve. I cut the tracks from the other end of the relay coil which was grounded. I connected a wire from this end of the relay coil to the PTT switch. I connected a wire from the ground to the other contact of the PTT switch. Now I desoldered the wires from the toggle switch and connected them to the free set of contacts in the relay.

Now, pressing the PTT switch energises the relay and switches the power supply between the Rx and Tx circuits.

புதியவர்களை வரவேற்கும் VHF நெட் !

புத்தம் புதிதாக ஹாம் லைசன்ஸ் பெற்றிருப்பவர்களை ரேடியோ உலகிற்குள் வரவேற்று வழி காட்டுவது VHF நெட் ! நீங்களும் புதிதாக லைசன்ஸ் பெற்றவரா? அல்லது லைசன்ஸ் பெற்றிருந்தும் இன்னமும் VHF நெட்டின் நன்மைகளை அனுபவித்துப் பார்க்காதவரா? உங்களுக்காகத்தான் இதை எழுதுகிறேன்! தொடர்ந்து படியுங்கள்.

முதலில் நெட் என்றால் என்ன?, அதில் பங்கெடுப்பது எப்படி? புதியவர்கள் ஏன் நெட்டில் பங்கெடுத்துப் பழக வேண்டும்? என்றெல்லாம் பார்த்து விட்டு அதன் பின் வி எச் எஃப் நெட்டிற்கு வருவோம்.

இரண்டு ஹாம்கள் ஒருவரோடு ஒருவர் பேசிக்கொண்டால் அது சாதாரண கான்டாக்ட் (க்யூ எஸ் ஓ) அல்லவா? ஒருவர் பேசி (டிரான்ஸ்மிட் செய்து) முடித்தபின் அடுத்தவர் பேசி, பின் அவர் முடித்தபின் முந்தையவர் திரும்ப பேசி , ஒருவருடன் ஒருவர் உரையாடிக் கொள்ளலாம். அவ்வாறு இருவர் பேசிக் கொண்டிருக்கும் பொழுது, அதே அலைவரிசக்கு டியூன் செய்திருக்கும் எஸ் டபிள்யூ எல் (SWL) மற்றும் ஏனைய ஹாம் எவரும் இவர்கள் உரையாடலை கேட்கலாம்.

இருவரும் ஒரே சமயத்தில் டிரான்ஸ்மிட் செய்தால், டிரான்ஸ்மிட் மோட்-இல் இருக்கும் இருவரின் டிரான்ஸீவரும் அடுத்தவர் டிரான்ஸ்மிட் செய்வதை ரிஸீவ் செய்ய முடியாமல் போவதுடன்,  அவர்கள் இருவர் டிரான்ஸ்மிட்டரில் இருந்து வரும் மின்னலைகளும் ஒன்றோடொன்று கலந்து ‘டப்ளிங்’ ஆகி அதே அலைவரிடசைக்கு டியூன் செய்திருக்கும் மற்றவரும் சரியாக கேட்க முடியாமல் போகும்.

இந்த நிலையை தவிர்க்க இருவரும், மற்றவர் பேசுவதை கூர்ந்து கவனித்து, அடுத்தவர் டிரான்ஸ்மிட் செய்து முடித்த பின் இடைவெளி விட்டு பேச (டிரான்ஸ்மிட்) செய்ய வேண்டும். இதைத் தவிர, தான் பேசி முடித்து விட்டதை குழப்பமின்றி மற்றவருக்கு அறிவிக்குமாறான யுக்திகளைக் கையாள வேண்டும்.

“ஓவர் டு VU3XYZ”

“VU3XYZ,  VU3ABC”

(இங்கே VU3XYZ என்பது அடுத்தவரின் கால் சைன், VU3ABC என்பது உங்களின் கால் சைன்)

“QSL?”

இது போன்ற வசனங்களை உபயோகித்து, தான் பேசி முடித்து விட்டதை அடுத்தவருக்கு அறிவிக்கலாம்.

இதுவரை சரி.. இலகுதான். ஒரு சாதாரண சிம்பிள் ‘க்யூ எஸ் ஓ’, ஜமாய்த்து விடலாம்! இப்பொழுது மூன்றாம் நபர் அதே ‘க்யூ எஸ் ஓ’-வில் இணையும் பொழுது என்ன ஆகிறது என்று பார்ப்போம். இப்பொழுது சிம்பிள் ‘க்யூ எஸ் ஓ’ ஒரு குரூப் ‘க்யூ எஸ் ஓ’-வாக மாறி விட்டது! ஒருவர் பேசி முடித்தபின், பேசுவதற்கு தயாராக இருவர் இருப்பார்கள். அவர்கள் இருவரும் ‘டப்ளிங்’ ஆகாமல் இருக்க வேண்டும் என்றால், கடைசியாக பேசி முடித்தவரே அடுத்து யார் பேச வேண்டும் என்பதை நிர்ணயித்து அறிவிக்க வேண்டும். அதாவது பேசி முடிக்கும் பொழுது

“ஓவர் டு VU3XYZ”

அல்லது

“ஓவர் டு VU3JKL”

என்று பேசி முடிக்க வேண்டும். அதே போல் ஆரம்பிக்கும் பொழுது

“VU3XYZ அண்டு த குரூப், VU3ABC”

அல்லது

“VU3JKL அண்டு த குரூப், VU3ABC”

என்று ஆரம்பிக்க வேண்டும் (இங்கேயும் VU3ABC என்பதுதான் நீங்கள்).

ஓகே! இதுகூட பரவாயில்லை தான். மூவரும் விழிப்புணர்வுடன் இருந்தால் எளிதாக சமாளித்து விடலாம். இவ்வாறு நான்கு, ஐந்து அல்லது அதற்கும் மேலான நபர்கள் குரூப் ‘க்யூ எஸ் ஓ’-வில் இணையும் பொழுது காம்ப்ளெக்ஸிட்டி அதாவது சிக்கல் அதிகமாக ஆகிக்கொண்டே போகிறது. இதே முப்பது நாற்பது பேர் ஒரு குரூப் க்யூ எஸ் ஓ-வில் இணைய வேண்டும் என்றால் உருவாகக் கூடிய சிக்கலை கொஞ்சம் நினைத்துப் பாருங்களேன்! கஷ்டம் புரிகிறது அல்லவா?!

இந்த சிக்கலை நேர்தியாக கையாள ஒரு அருமையான வழிமுறை உள்ளது. அதுதான் ‘நெட்’. இந்த நெட் ஆரம்பிக்கும் நேரம் முதல் முடியும் நேரம் வரை ஒருவர் ‘நெட் கன்ட்ரோலர்’-ஆக செயல் படுவார். நெட் நடைபெறும் நேரம் முழுவதும் இவரே யார் யார் பேச வேன்டும் என்பதை தீர்மானித்து அறிவிப்பார். நெட்டில் பங்கெடுக்க விருப்பம் உள்ளவர்கள் அவர் கூப்பிடும் வரை காத்திருக்க வேண்டும். நாம் காத்திருக்கிறோம் என்று அவருக்கு எப்படி தெரியும்? எப்படி கூப்பிடுவார்? எப்பொழுது கூப்பிடுவார்? மற்றவர்கள் பேசிக்கொண்டிருக்கிறார்களே, எனக்கு எப்பொழுது ‘சான்ஸ்’ கிடைக்கும்? என்றெல்லாம் நினைக்கிறீர்கள் அல்லவா? சுருக்கமாக விளக்குகிறேன்.

அழைக்கப்பட வேண்டியவர்கள் எல்லோரும் அழைக்கப்பட்டு பேசிய பின்பு, நெட் கன்ட்ரோலர் ஒரு ஜெனரல் கால் கொடுப்பார். அதாவது

“அழைக்க விரும்புவர்கள் அழையுங்கள், VU3CON கேட்டுக் கொண்டிருக்கிறேன்”

என்பது போன்றதொரு அறிவிப்பை விடுத்து விட்டு ஒரு இடைவெளி விடுவார் (இங்கே VU3CON என்பது நெட் கன்ட்ரோலரை குறிக்கிறது). அந்த இடைவெளியில், அழைப்பவர்கள் தங்கள் கால் சைன் – ஐ மட்டும் அறிவிக்க வேண்டும். ஒன்றிற்கு மேற்பட்டவரும் ஒருவரின் பின் ஒருவராக தங்கள் கால் சைன் – ஐ அறிவிக்கலாம். அப்படியே நீங்களும் அறிவிக்கலாம். இங்கே கவனிக்க வேண்டியது, அழைப்பவர்கள் தங்கள் கால் சைன் – ஐ மட்டும் அறிவிக்க வேண்டுமே தவிர பேச முற்படக் கூடாது. உதாரணமாக “VU3ABC” என்று ஒருவரும், அவருக்குப் பின் “VU3XYZ” என்று மற்றொருவரும், அவருக்குப் பின் “VU3JKL” என்று வேறொருவரும் அறிவிக்கலாம்.

நெட் கன்ட்ரோலர், அழைப்பவர்கள் அனைவரின் கால் சைன் – ஐயும் குறித்து வைத்துக் கொண்டு ஒவ்வொருவராக அழைப்பார். நெட் கன்ட்ரோலர் தன்னுடைய கால் சைன் – ஐ சொல்லி அழைத்த பிறகு தான் அழைப்பாளி மீண்டும் பேசி, தான் சொல்ல  வந்த விஷயத்தை சொல்ல வேண்டும். பேசுவதற்கு விஷயம் ஒன்றும் இல்லை என்றாலும் பரவாயில்லை. நெட்டிற்கு க்யூ ஆர் யூ சொல்லி முடிக்கலாம்.

உதாரணமாக

“VU3ABC Good Evening. Any traffic for the net? Please come in. VU3CON”

என்று நெட் கன்ட்ரோலர் (VU3CON) பேசினார் என்றால், அதற்கு பதிலாக நீங்கள்

“VU3CON, VU3ABC. Good evening to you and all stations on frequency. QRU to the net. 73 and Good night. VU3CON, VU3ABC”

என்று சொல்லலாம்.

சரி, நெட் என்றால் என்ன என்று ஒருவாறு விளங்கி விட்டது. அதில் பங்கெடுப்பது எப்படி என்றும் புரிந்து விட்டது. இனி, புதியவர்கள் ஏன் நெட்டில் பங்கெடுத்துப் பழக வேண்டும் என்று பார்ப்போம்.

என்னுடைய அனுபவத்தையும் வைத்து சொல்லுகிறேன், ஆரம்பத்தில் மைக் பட்டனை அழுத்திய பின் என்ன பேசுவது என்றே தெரியாமல் திகைப்பு ஏற்படும். பேசும் பொழுது அடுத்தவர் கால் சைன் – ஐ முதலில் சொல்ல வேண்டுமா அல்லது நம் கால் சைன் – ஐ முதலில் சொல்ல வேண்டுமா என்ற சந்தேகம் வரும். நம்முடைய கால் சைன் நமக்கே நினைவில்லாமல் இருப்பது போல் தோன்றும்.

இந்த குழப்பங்கள் எல்லாம் நீங்கி தெளிவாக பேச ஆரம்பிப்பதற்கான வழி:

  • மற்றவர்கள் பேசுவதை நிறைய கேட்க வேண்டும்
  • நாமும் பேசி பழக வேண்டும்.

நெட்டில் மட்டுமே நாம் பேசும் ஒரு க்யூ எஸ் ஓ – விலேயே மற்றவர்கள் பேசும் முப்பது நாற்பது க்யூ எஸ் ஓ – வை குறைந்த நேரத்தில் கேட்டு பழகலாம்!

ஆகவே ரேடியோவில் பேசலாம் வாங்க! நெட்டில் பழகலாம் வாங்க!!

ஓகே! நெட்டில் பங்கெடுக்க வேண்டும். குறைந்த பட்சமாக முதலில் கேட்கவாவது வேண்டும் என்றெல்லாம் முடிவெடுத்தாகி விட்டது. அது சரி, ‘வி எச் எஃப்’ நெட் என்று பிரத்யேகமாக சொல்லப்பட்டதே? அதுவும் புதியவர்களை வரவேற்கும் என்று தலைப்பெல்லாம் கொடுக்கப்பட்டதே? என்றெல்லாம் வினவத் தோன்றுகிறது அல்லவா? சொல்கிறேன். முதலில் நெட்டில் பங்கெடுக்க வேண்டும் என்று முடிவெடுத்த உங்களுக்கு ஒரு சபாஷ் சொல்லிவிட்டு மேலே தொடர்கிறேன்!

கமர்ஷியல் சாதனம் வாங்கும் பட்சத்தில், எச் எஃப் செட் வாங்குவதை விட வி எச் எஃப் செட் வாங்குவது எளிதாக இருக்கலாம்.., ஆன்டனா அமைப்பதும் வி எச் எஃப் – இற்கு எளிதாக இருக்கலாம்..,  ஒரு நல்ல ஹான்டி  இருந்தால் கூட போதும் தற்சமயத்திற்கு சமாளித்துக் கொள்ளலாம்.., செட் எதுவும் வாங்கும் வரை எக்கோலிங்க்-இல் பதிவு செய்து கணினியிலோ ஆன்டிராய்டு மொபைலிலோ நிறுவி அவ்வசதி உள்ள ரிப்பீட்டர் வாயிலாக நெட்டில் கலந்து கொள்ளலாம் ….  என்றெல்லாம் நீங்கள் லைசன்ஸ் தபாலை கிழித்துப் பார்த்த உடனேயே யோசிக்க ஆரம்பித்திருக்கலாம்! இதையெல்லாம் நான் நான் உங்களுக்கு புதிதாக சொல்ல வரவில்லை.

நான் சொல்ல வருவது என்னவென்றால், ஹாம் உலகிற்குள் நீங்கள் கால் பதித்ததோடு நிற்காமல் நன்கு வலம் வர வேண்டும் என்றால் நீங்கள் நிறைய ஹாம்களை தெரிந்து வைத்திருக்க வேண்டும். கால் சைன் கேட்டவுடனேயே அவர் ஹான்டில் என்ன அவர் க்யூ டி எச் எங்கே என்று சட்டென்று உங்கள் நினைவிற்கு வரவேண்டும். அது மட்டுமல்லாமல் மற்ற ஹாம்களுக்கும் உங்கள் கால் சைன் கேட்டவுடனேயே உங்கள் பெயர் (ஹான்டில்) நினைவிற்கு வர வேண்டும்! அதற்காகவே நீங்கள் வி எச் எஃப் நெட்டில் கலந்து கொள்வதை வழக்கமாக்கிக் கொள்ள வேண்டுகிறேன்.

‘வி எச் எஃப்’ வழி தொர்பு என்பது லைன் ஆஃப் சைட் கம்யூனிகேஷன் என்று சொல்லப்படும். அதாவது ரிசீவரின் ஆண்டெனாவிலிருந்து பார்த்தால் டிரான்ஸ்மிட்டர் ஆண்டெனா தெரிய வேண்டும். நடைமுறையில் கண்ணிற்கு தெரியுமாறு அமையத் தேவையில்லை என்றாலும் தொடுவானம் தாண்டாமல் இருந்தால் தொடர்பு தரமானதாக இருக்கும். இதனால் நமக்கு என்ன பயன் என்கிறீர்களா? இருக்கிறது. லோக்கல் கம்யூனிகேஷன் அதாவது குறுகிய தூர தொடர்பிற்கு வி எச் எஃப் உகந்ததாகும். தாம்பரத்திற்கும் வண்டலூருக்கும் இடையே இருவர் ஒரு அலைவரிசையில் பேசிக்கொள்ளுகிறார்கள் என்று வைத்துக் கொள்வேம். ஈரோடில் இருவர் அதே அலைவரிசையில் அதே சமயத்தில் பேசிக்கொண்டாலும் பரவாயில்லை. ஒன்றிற்கு ஒன்று இண்டர்ஃபியர் ஆகாது.

இதனால் வி எச் எஃப் நெட்டில் உங்களுடன் பங்கெடுக்கும் பலரும் உங்கள் அருகாமையிலே வசிப்பவர்களாகவே இருப்பார்கள்! இதனால் நீங்கள், உங்களுக்கு அருகில் வசிக்கும் ஹாம்கள் பலரையும் அறிந்து கொள்ளும் வாய்ப்பு இருக்கிறது. நேரில் சந்தித்து ஆலோசனையும் உதவியும் பெறலாம். ஒரு சில தெருக்களே தள்ளி வசிக்கும் ஹாம்களையும் நெட் வாயிலாக அறிந்து கொண்டு பின் நேரில் சந்திப்பது ஒரு வித்யாசமான அனுபவமே!

இதனாலேயே வி எச் எஃப் நெட்டை புதியவர்களுக்கு விசேஷமாக எடுத்துச் சொல்லி வரவேற்கிறேன்.

வாருங்கள்! பழகிப் பார்க்கலாம் வி எச் எஃப் நெட்!!

டம்மி லோடு – பகுதி 2

அமெச்சூர் ரேடியோ டிரான்ஸ்மிட்டர்கள் பொதுவாக 50 ஓம் அவுட்புட் இம்பிடென்ஸ் கொண்டதாக இருப்பதால், டம்மி லோடு ரெஸிஸ்டன்ஸ் 50 ஓம் அளவிற்கு இருக்குமாறு அமைத்துக் கொள்வது வழக்கம். பவர் ஹேன்டிலிங் கப்பாசிட்டி நம் தேவைக்கேற்ப 50 வாட், 100 வாட், 400 வாட் என்று எப்படி வேண்டுமானாலும் அமைத்துக் கொள்ளலாம்.

அவ்வளவுதானே, இதென்ன பிரமாதம். ஐம்பது ஓம்ஸிற்கு சராசரியாக நமக்கு கடையில் கிடைப்பது 47 ஓம். வாங்கி விடலாம் தான் ஆனால் பவர் ஹேன்டிலிங் கப்பாசிட்டி 50 வாட்டிற்கும் 100 வாட்டிற்கும் எங்கு செல்வது?

இங்கு தான் நம்முடைய அமெச்சூர் கணக்கு பிரகாசிக்கிறது. இரண்டு 1 வாட் ரெஸிஸ்டர்களை பாரலெல் முறையிலோ அல்லது சீரியல் முறையிலோ இணைத்தால் நமக்கு கிடைக்கும் நிகர பவர் ஹேன்டிலிங் கபாசிட்டி 2 வாட்.
இதே முறையில் கணக்கிட்டால் …
ஐம்பது 1 வாட் ரெஸிஸ்டர்களை ஒன்றாக இணைத்தால் 50 வாட்.
ஐம்பது 2 வாட் ரெஸிஸ்டர்களை ஒன்றாக இணைத்தால் 100 வாட்.
ஐம்பது 0.5 வாட் ரெஸிஸ்டர்களை ஒன்றாக இணைத்தால் 25 வாட்.
இப்படியே ஜாலியாக கணக்கிட்டுக் கொண்டே போகலாம். ஃபார்முலா கூட நமக்கு தேவையில்லை. இருந்தாலும் சொல்லி வைக்கிறேன். (நாமும் ஹாம் தான் என்று காட்டிக் கொள்ள வேண்டாமா!)

W = W1 + W2 + W3 + …..

ரெஸிஸ்டர்களை ஒன்றாக இணைக்கும் பொழுது நிகர வாட்டேஜ் கூடிக் கொண்டே போகிறது அல்லவா? அது போல், நிகர ரெஸிஸ்டன்ஸ் என்ன ஆகிறது என்று இப்பொழுது பார்ப்போம்.

இரண்டு ரெஸிஸ்டர்களை சீரியல் முறையில் இணைக்கும் பொழுது அதன் நிகர ரெஸிஸ்டன்ஸ் கூடியும், பாரல்லெல் முறையில் இணைக்கும் பொழுது அதன் நிகர ரெஸிஸ்டன்ஸ் குறைந்தும் காணப்படுகிறது.

இரண்டு 100 ஓம் ரெஸிஸ்டர்களை சீரியல் முறையில் இணைக்கும் பொழுது நமக்கு கிடைக்கும் நிகர ரெஸிஸ்டன்ஸ் 200 ஓம். அதே இரண்டு 100 ஓம் ரெஸிஸ்டர்களை பாரல்லெல் முறையில் இணைக்கும் பொழுது நமக்கு கிடைக்கும் நிகர ரெஸிஸ்டன்ஸ் 50 ஓம்.

இந்தக் கணக்கும் இலகுவாகத்தான் இருக்கிறது, நிகர ரெஸிஸ்டன்ஸ் 50 ஓம் வேண்டும் என்றால் ஐம்பது 1 ஓம் ரெஸிஸ்டர்களை சீரியல் முறையில் இணைத்துக் கொண்டால் போகிறது என்று நினைப்பீர்களாயின், அங்கு ஒரு சிறிய சிக்கல் உள்ளது!

ஒன் ஓம் ரெஸிஸ்டர் பொதுவாக ஒயர்-வௌண்டு இரகத்தைச் சார்ந்ததாகும். ரேடியோ ஃபிரீக்குவன்ஸி அலைவரிசைகளில் உபயோகப்படுத்தும் பொழுது அது இண்டக்டர் போலச் செயல்படும் தன்மையுடையது. டம்மி லோடில் நாம் உபயோகிக்க வேண்டிய ரெஸிஸ்டர்கள் நான்-இண்டக்டிவ் இரகமாக இருத்தல் அவசியம். ஒயர்-வௌண்டு ரெஸிஸ்டர்களை உபயோகிக்க முடியாது. கார்பன் ஃபிலிம் ரெஸிஸ்டர்களை உபயோகிக்கலாம்.

அப்படியென்றால் அதிக ரெஸிஸ்டன்ஸ் கொண்ட ரெஸிஸ்டர்கள் பலவற்றை பாரெல்லல் முறையில் ஒன்றாக இணைத்து நிகர ரெஸிஸ்டன்ஸ் 50 ஓம் வருவது போல் செய்து கொள்ளலாம்.

இரண்டு 100 ஓம் ரெஸிஸ்டர்களை பாரெல்லல் முறையில் இணைத்தால் நிகர ரெஸிஸ்டன்ஸ் 50 ஓம் என்று பார்த்தோம் அல்லவா? இரண்டிற்கு மேற்பட்ட ரெஸிஸ்டர்களை பாரெல்லல் முறையில் இணைக்கும் பொழுது உண்டாகும் நிகர ரெஸிஸ்டன்ஸை கணக்கிடுவது எப்படி? இருக்கவே இருக்கிறது அதற்கும் ஒரு ஃபார்முலா.

1/R = 1/R2 + 1/R2 + 1/R3 …..

இது வரைக்கும் நன்றாகத் தானே போய்க் கொண்டிருந்தது. இப்பொழுது திடீரென்று பேனா பென்சில் எல்லாம் எடுத்து கணக்கிடச் சொன்னால் எப்படி? என்றுதானே நினைகிறீர்கள்? பரவாயில்லை. உங்கள் வேலையை எளிதாக்க ஒரு எக்ஸெல் ஃபார்முலா தருகிறேன். அதை ஒரு எக்ஸெல் செல்லில் பதிவு செய்து உங்களுக்கு வேண்டிய ரெஸிஸ்டர் அளவை கணக்கிட்டுக் கொள்ளுங்கள்.

= 1/((1/R)*N)

இதில் R என்பது ரெஸிஸ்டர்களின் அளவு ஓம்ஸ் கணக்கிலும், N என்பது ரெஸிஸ்டர்களின் எண்ணிக்கையும் ஆகும். உதாரணத்திற்கு 1K ரெஸிஸ்டர் 25 எண்ணிக்கை என்றால் எவ்வளவு நிகர ரெஸிஸ்டன்ஸ் என்று அறிய,
=1/((1/1000)*25) என்று பதிவு செய்து விடை என்ன கிடைக்கிறது என்று பார்க்கவும். விடை நமக்கு தேவையான 50 ஓம் இலக்கை விட குறைவாக வருகிறது அல்லவா? அதனால் எண்ணிக்கையை 25-இல் இருந்து 20-ஆக குறைத்துப் பார்க்கவும். இப்படியே உங்களுக்கு தேவையான ரெஸிஸ்டர் அளவு மற்றும் எண்ணிக்கையை ‘டிரையல் அன்டு எர்ரர்’ வாயிலாக கணிக்கலாம்.

இதையும் விட சுலபமாக நீங்கள் டம்மி லோடை வடிவமைக்க நானே கணக்கிட்டு ஒரு அட்டவணையை கொடுத்துள்ளேன். உங்களுக்கு தேவையான வரியை தேர்வு செய்து கொள்ளுங்கள்.

ரெஸிஸ்டர் அளவு ரெஸிஸ்டர் எண்ணிக்கை நிகர ரெஸிஸ்டன்ஸ்
1K 20 50
1K2 24 50
1K5 30 50
1K8 36 50
2K2 44 50
2K7 54 50

இந்த அட்டவணையில் கொடுக்கப்பட்டுள்ளது ஃபார்முலா ரீதியாக கணிக்கப்பட்ட எண்ணிக்கையாகும். நடைமுறையில் நீங்கள் வாங்கும் அனைத்து ரெஸிஸ்டர்களின் ரெஸிஸ்டன்ஸும் ஒரே சமமாகவோ அல்லது துல்லியமான அளவிலோ இருக்காது. அதனால் ரெஸிஸ்டர்களை ஸோல்டர் செய்யும் முன்னர் தனித்தனியாகவும், ஸோல்டர் செய்து கொண்டிருக்கும் பொழுது நிகர ரெஸிஸ்டன்ஸை அவ்வப்பொழுதும், மல்டி மீட்டரைக் கொண்டு அளந்து அறிந்து கொள்ளுங்கள். நான் 2K2 ரெஸிஸ்டர்களை உபயோகித்து டம்மி லோடு செய்யும் பொழுது 42 ரெஸிஸ்டர்களை இணைத்தவுடனேயே 50 ஓம் நிகர ரெஸிஸ்டன்ஸ் கிட்டி விட்டது!

DummyLoad-1

அப்புறம் என்ன! இந்த ரெஸிஸ்டர்களை அப்படியே ஒரு உலோக டப்பாவில் அடைத்து ஒரு SO239 கனெக்டருடன் இணைத்துவிட வேண்டியதுதான்! ரெடியாகி விட்டது உங்கள் டம்மி லோடு. நீங்கள் 2K2 ஒரு வாட் ரெஸிஸ்டர்களை உபயோகித்திருந்தீர்களானால் உங்கள் டம்மி லோடின் பவர் ஹேன்டிலிங் கப்பாசிட்டி சராசரியாக 40 வாட். அதற்கு பதில் 2K2 இரன்டு வாட் ரெஸிஸ்டர்களை உபயோகித்திருந்தீர்களானால் உங்கள் டம்மி லோடின் பவர் ஹேன்டிலிங் கப்பாசிட்டி சராசரியாக 80 வாட்.

DummyLoad-2

கடைசியாக ஒரு எக்ஸ்டிரா ஐடியா! டம்மி லோடின் பவர் ஹேன்டிலிங் கப்பாசிட்டியை அதிகரிக்க யுக்தி ஒன்று உள்ளது. அது ரெஸிஸ்டர்களை தீப்பிடிக்காத எண்ணையில் அமிழ்த்து வைப்பதுதான். மின்சார டிரான்ஸ்பார்மர்களில் பயன்படுத்தும் டிரான்ஸ்பார்மர் ஆயிலோ அல்லது மோட்டார் வாகனங்களில் பயன்படுத்தும் எஞ்சின் ஆயிலோ டம்மி லோடு செய்துள்ள டப்பாவில் ஊற்றி, ரெஸிஸ்டர்கள் அதில் அமிழ்ந்திருக்குமாறு அமைத்து விட்டால் போதும். உங்கள் டம்மி லோடின் பவர் ஹேன்டிலிங் கப்பாசிட்டி மேலும் அதிகரிக்கும்.

டம்மி லோடு – பகுதி 1

ஒரு அமெச்சூர் ரேடியோ ஹாமிடம் இருக்க வேண்டிய முக்கியமான உபகரணங்களுள் ஒன்று டம்மி லோடு ஆகும். இந்த டம்மி லோடு என்றால் என்ன? இது ஒரு ரேடியோ ஹாமிற்கு எவ்வாறு, எப்பொழுது பயன்படுகிறது? இதை நாமே செய்து கொள்வது எப்படி? என்பது பற்றியெல்லாம் அறிந்து கொள்ள தொடர்ந்து படிக்கவும்.

முதலில் டம்மி லோடு எதற்கு பயன்படுகிறது என்பதை உதாரணத்துடன் பார்த்து விட்டு, அதற்குப் பின் டம்மி லோடு என்றால் என்ன என்று ஒரு முடிவிற்கு வருவோம்.

நீங்கள் ஒரு 50 வாட் ஆடியோ ஆம்பிளிஃபையர் செய்துள்ளீர்கள் என்று வைத்துக் கொள்ளுங்கள். அதை இப்பொழுது நடைமுறை சோதனை செய்ய வேண்டும். அது தன் முழு திறனுடன் (50 வாட் அவுட்புட்) வேலை செய்கிறதா? எவ்வளவு நேரம் அது தொடர்ந்து முழு அவுட்புட் அளிக்க முடிகிறது? அதிகம் சூடேறுகிறதா? – போன்ற பல கேள்விகளுக்கு பதிலளிக்கும் விதமாக உங்கள் சோதனை அமைய வேண்டும்.

சரி சோதனை செய்து விட்டால் போகிறது என்று ஆம்பிளிஃபையரின் இன்புட்டுடன் டெஸ்ட் சிக்னலை இணைத்து, அவுட்புட்டுடன் ஸ்பீக்கரையும் இணைத்து, வால்யூமை முழுவதும் கூட்டி வைத்து ஒரு மணி நேரம் தொடர்ந்து சோதனை செய்யலாமா என்றால் நடைமுறையில் அது சாத்தியம் ஆகாது. அந்த சோதனையின்போது உண்டாகும் சத்தத்தை நம்மாலும் தாங்க முடியாது, நமது வீட்டில் உள்ளவர்கள் மற்றும் அக்கம் பக்கத்தாராலும் பொறுக்க முடியாது.

அப்படியென்றால் நாம் எப்படித்தான் சோதனை நடத்துவது? ஸ்பீக்கர் உண்டாக்கும் சத்தத்தை உண்டாக்காமலும் அதே சமயம் தனக்கு அளிக்கப்படும் மின் ஆற்றல் அனைத்தையும் செலவிடவும் அதே சமயம் தனக்கு மின் ஆற்றல் அளிக்கும் உபகரணத்தின் அவுட்புட் இம்பிடென்ஸ்-ஐ தன்னுடைய ரெசிஸ்டன்ஸை வைத்து மாட்ச் செய்யவும் ஏற்றதொரு விந்தை பொருள் மட்டும் நம்மிடம் இருந்தால், எவ்வளவு நன்றாக இருக்கும்? என்றெல்லாம் நாம் சிந்திக்கும் சமயத்தில் நமக்கு உபயோகப்படும் அந்தப் பொருளின் பெயர்தான் டம்மி லோடு!

ஒரு டம்மி லோடை ஆம்பிளிஃபையரின் அவுட்புட்டில் இணைத்து இயக்கும் பொழுது, ஆம்பிளிஃபையரின் ஆற்றல் அனைத்தும் டம்மி லோடின் வாயிலாக உஷ்ணமாக மாறி வெளியேறுகிறது. ஆம்பிளிஃபையருக்கு தகுந்த இம்பிடென்ஸ் மேட்ச் ஆவதாலும், ஆம்பிளிஃபையர் வெளியேற்ற முயற்சிக்கும் ஆற்றல் அனைத்தும் பத்திரமாக வெளியேற்றப் படுவதாலும், ஆம்பிளிஃபையரின் அவுட்புட் டிவைஸ்கள் பழுதடைவதில்லை. (ஆம், ஸ்பீக்கர் இணைக்காமல், அதாவது லோடு கொடுக்காமல் ஆம்பிளிஃபையரை முழு ஆற்றலுடன் இயக்க முற்பட்டால் அவுட்புட் டிவைஸ்கள் பழுதடைய வாய்ப்பு மிக அதிகம்!)

மேலும் டம்மி லோடிற்கு கொடுக்கப் படும் ஆற்றல் அனைத்தும் உஷ்ணமாக மட்டும் மாறுமே தவிர வேறு வகை ஆற்றலாக வெளிவராது. அதாவது சத்தமாகவோ அல்லது ரேடியோ அலைகளாகவோ வெளிவராது. அதனால் தானே வேலை எதுவும் செய்யாத அத்தகைய ஒரு லோடை ‘டம்மி’ என்கிறோம்!

ஆக மொத்தத்தில், கூட்டிக் கழித்துப் பார்த்தால் இந்த டம்மி லோடு என்பது ஒரு ஹை வாட்டேஜ் ரெஸிஸ்டர். அவ்வளவுதான்!

உங்கள் ஆடியோ ஆம்பிளிஃபையரின் அவுட்புட் இம்பிடென்ஸ் 8 ஓம் மற்றும் அதிக பட்ச பவர் அவுட்புட் 50 வாட் என்றால் நீங்கள் உபயோகப்படுத்தும் டம்மி லோடின் ரெசிஸ்டன்ஸ் 8 ஓம் மற்றும் பவர் ஹேன்டிலிங் கபாசிட்டி குறைந்தது 50 வாட் ஆக இருக்க வேண்டும், அதாவது டம்மி லோடு 8 ஓம், 50 வாட்-ஆக இருக்கலாம், அல்லது 8 ஓம், 75 வாட்-ஆக இருக்கலாம் அல்லது 8 ஓம், 100 வாட்-ஆக இருக்கலாம். வாட்டேஜ் அதிகமாக இருப்பது நலமே! ஆனால் ஆம்பிளிஃபையர் அவுட்புட் இம்பிடென்ஸும் டம்மி லோடு ரெசிஸ்டன்ஸும் ஒன்றாக இருத்தல் அவசியம்!!.

இப்பொழுது இந்த ஆடியோ ஆம்பிளிஃபையர் உதாரணத்தை அப்படியே ரேடியோ ஃபிரீக்வன்ஸி லீனியர் ஆம்பிளிஃபையருக்கு பொருத்திப் பாருங்கள்! ஆடியோ ஆம்பிளிஃபையரில் ஸ்பீக்கர் தான் லோடு என்றால், லீனியர் ஆம்பிளிஃபையரில் ஆன்டென்னா தான் லோடு. ஆன்டென்னா இல்லாமல் இயக்கினால் லீனியர் ஆம்பிளிஃபையரின் அவுட்புட் டிவைஸ்கள் பழுதடைய வாய்ப்பு அதிகம் என்பதைவிட நிச்சயம் என்றே சொல்லலாம்!

அதுமட்டுமல்ல ஒரு ஆன்டென்னா மற்றும் அதனுடன் இணைக்கப்பட்ட கேபிள் இவற்றின் நிகர இம்பிடென்ஸ் ஃபிரீக்வன்ஸிக்கு ஏற்றவாறு மாறும் தன்மையுடையது. அதனால் ஆன்டென்னா டியூனரை சரியாக டியூன் செய்யாமல், டிரான்ஸ்மிட்டரை இயக்கினால் டிரான்ஸ்மிட்டரின் அவுட்புட் டிவைஸ் பழுதடைய வாய்ப்பு உண்டு. ஆன்டென்னாவை இணைத்து ஆன்டென்னா டியூனரை டியூன் செய்து கொண்டிருக்கும் பொழுதே அவுட்புட் டிவைஸ் பழுதடைந்த அனுபவம் பல ஹாம்களுக்கு உண்டு!

இத்தகைய சம்பவங்களைத் தவிர்க்கத்தான் டம்மி லோடு பயன்படுகிறது. சரி, டம்மி லோடைப் பற்றி ஓரளவு புரிந்து விட்டது. ஆனால் இவ்வளவு உபயோகமான இந்த டம்மி லோடை நாமே செய்து கொள்ள முடியுமா? இவ்வளவு ஹை வாட்டேஜ் ரெஸிஸ்டர் எங்கே கிடைக்கும்? எனும் கேள்விகள் மட்டும் இன்னமும் மனதில் நிற்கிறது அல்லவா? அதையும்தான் அலசிப் பார்ப்போமே! – இரண்டாவது பகுதியில்…
தொடரும்…